دليل نشيدي أقسام نشيدي فيديو نشيدي فواصل إنشادية أخبار نشيدي

نشيدي

 

جديد مواضيع المنتدى


العودة   منتديات نشيدي > منتديات نشيدي > أناشيد الأطفال , اناشيد اطفال

أناشيد الأطفال , اناشيد اطفال طيور الجنة , كراميش , سناء


 
 
أدوات الموضوع انواع عرض الموضوع
  #1 (permalink)  
قديم 02-25-2010, 03:44 PM
الصورة الرمزية $$reeham$$
عضو نشيط
 



$$reeham$$ غير متواجد حالياً
افتراضي خبر عااااجل عن رغد الوزان..............

لسلام عليكم ورحمة الله وبركاته
اهلا بأحلى اعضاء في أحلى منتدى

شوفوا أنا انسانه أحب الخيال وأموت فيه و حبيت انكم تشاركوني فيه عشان كدا اليوم جبتلكم خبر عاجل جدا من خيالي مع شوية تصاميم عليه أتمنى انها تعجبكم وأتمنى كمان الردود والتفاعل والتشجيع
خبر عااجل جدا " اختطاف رغد الوزان "
أنا المرة هادي خطفت رغد الوزان عصبا عني ، خطفتها لأني احبها وأبغاها قدامي طول الوقت، خطفتها وبعد كدا رجعتها لأهلها لأني حسيت بغلطتي ، وانا اليوم قدامكم عشان احكيلكم حكاية الإختطاف
وهذه البداية:
في يوم من الأيام كنت جالسة جنب الشباك بتفرج على السماء كان الوقت ليل ، لقيت فيها نجوم كتيرة مغطية السماء وكانت كلها بتلمع عجبني شكلها من بعيد قررت إني اسافر الفضاء عشان أكون قريبة منها ، ولما سافرت أتفاجأت إن عددها أكبر من اللي شفتها وأنا على الارض لدرجة اني لما كنت بمشي بين النجوم كنت بخبط فيها وبدوس على بعضها من غير قصد و ، آآآآآآآآآآآآآآآآي آآآآآخ خبطت في نجمة صغيرة لحظة اشوفها ؟!!! ايش دا معقووول اللي بشوفو !!!!هذه النجمة مو غريبة عليا !! لأ مو قادرة أصدق هادي رغووودة والنجوم اللي حوليها كمان اعرفهم هدول نجوم طيور الجنة بين نجوم السماء، كل واحد فيهم كان جالس في نجمة بحجمه لحظه أصورهم لكم
شايفين النجوم الكبيرة اللي بتلمع هدول كانوا عمو خالد ، عمر ، مصطفى ، محمدبشار
اما النجوم المتوسطة الحجم كانو ا وليد وعصومي ورغوودة وديمة وعبدالله ومعاهم نجوم اصغر كانوا لين وجنى وريماس شوفوهم كيف بيلمعوا في السماء




سلمت على رغد أول شي لأني أحبها مووت وبعدين سلمت عالبقية وانبسط معاهم وانشدنا كل اناشيدهم ورحت معاهم في جولة بين النجوم ، لفينا عاليمين لقينا نجوم كراميش سلمنا عليهم وكملنا جولتنا ، وبعد كدا اخدوني معاهم لمقرهم كان جنب القمر وكان على شكل سحابة كبيرة مكونة من ادوار عالية جدا ما فضيت اعدهم كانت زي ناطحات السحاب عندنا



حكولي على بداياتهم وفرجوني على جديدهم اللي كان لسا ما اتعرض على القناة وعلى كل حصرياتهم ، كان كل شي شفتو وسمعتو عندهم روووعة ، وبعد الرحلة الحلوة اللي عمري ما راح انساها كان لازم ارجع للارض وللبيت ، بس دا معناه اني راح ابعد عن حبيبتي رغد ما قدرت استحمل الفكرة فقررت إني اخطفها من غير ما أحد يحس بيا، ولما خطفتها ورجعت بيها على البيت كنت فرحانة لأنها معايا ، بس هي كانت بتبكي وتبغى ترجع لأهلها في البداية قلت في نفسي حتبكي شوية وبعدين تسكت ، بس بكاها طول وصار لها يومين على دا الحال بكى وخوف وحزن ولا اكل ولاشرب ولا اي شي حلو، انا حزنت عليها ورحت رجعتها لأهلها تاني ، وانا رجعت البيت وانا حزينة وزعلانه وكنت مشتاااقة لها وجلست طول الوقت ابكي لفرقاها لغاية لما نعست ونمت من كتر البكا
لما صحيت تاني يوم حسيت اني ما كنت مصدقة نفسي هو حلم ولا حقيقة بس فكرت بيني وبين نفسي شوية وقولت لا اكييد هادا كان حلم وانتهى لالا مو معقول انا ؟! انا !اخطف رغودة لالا مستحييل ، بس كنت فرحاانة لأني حلمت بيها وجلست افكر فيها كتير وبعد ما فطرت مع اهلي رجعت على غرفتي واخدت كراستي وجلست ارسم رغووودة حياتي وفجأة لقيتها بتطلع من الورقة


انا خفت وهي قالتلي لا تخافي انا جيت ازورك، فرحت وحضنتها بقوة واتكلمت معاها وقولتلها كل شي كنت ابغى اقولو لها ، وفجأة سمعت ماما بتناديني حسيت نفسي بصحي من حلم جديد ولقيت نفسي في غرفتي وكراستي بين ايدي وعليها بداية رسمتي وعرفت انه كان مجرد حلم يقظة مو اكتر
المهم رحت لماما عشان كانت تبغاني اساعدها في شغل البيت وانشرلها الغسيل ، اخدت الغسيل ورحت عالبلكونة وبدأت انشره وانا بأفكر في رغدوودة وطليت من سور البلكونة للحديقة الا فجأة القى رغوودة جالسة على السور وبتبتسملي وسألتها فين روحتي قبل شوية ؟ قالتلي انها معايا بس انا مو منتبهة لها ، المهم انا كنت بأنشر الغسيل وانا بتكلم معاها طول الوقت ولما خلاص قربت اخلص التفت لها على السور عشان اقولها يلا حنروح على غرفتي بعد شوية ، ما لقيتها ، اختفت فجأة دورت عليها في البلكونة وما لقيتها والتفت للغسيل ابغى اكمل الباقي بس لقيت كل قطعة منه صارت صورة من صور رغد بتمر كلها قدامي ، وفجأة لقيت رغد جالسة تاني على السور وقالتي ها ايش رايك حلوة الصور المعلقة ، انا فرحت برجعتها وجلست اطالع الصور وانا مو مصدقة نفسي وفجأة سمعت صوت نشاز بيناديني طلع هادا صوت اخويا زياد اكره هادا الولد انقهرت منه كان جاي يقولي تقولك ماما جهزي نفسك حنروح يومين عالبحر وبعد ما راح التفت لرغودة على السور عشان اعزمها تيجي معانا لقيتها اختفت تاني وما لها اي اثر وعرفت انها احلام يقظة تاني



ورحنا ورغد لسا في بالي ولما وصلنا طلعت امشي على الشاطئ كان مليان اطفال وكبار بيسبحوا ويلعبوا وانا بتفرج عليهم شفت من بعيد بنت صغيرة في قارب مطاطي صغير وسط الامواج كانت جايه من بعيد وبتلوحليلي بايدها طليت كويس في البنت لقيتها رغوودتي انا فرحت واستنيتها على الشاطئ عشان توصلي ونكون مع بعض ولما خلاص قربت من الشاطئ جات موجة قوية عليا صحتني من احلام يقظة جديدة ولقيت نفسي وسط ناس عاديين





المهم رجعت للشاليه تاني وجلست مع اهلي الى الليل واتعشينا عشا بحري بعد كدا طلعت على الشاطئ وجلست اطل في السماء والنجوم وافتكرت الرحلة اللي رحتها مع النجوم واهم شي افتكرت رغودتي وفجأة لقيتها قدامي على شكل فراشة جاية من القمر وحوليها فراشات صغار ونجوم بتلمع وكانت بتنادي اسمي قمت من مكاني وكنت حروحلها بس الموج جا عليا ، وصحيت من احلى حلم يقطة كنت فيه


المهم رحت نمت في هذه الليلة وكانت كل احلامي عن رغودة حياتي
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 650x520.

ولما صحيت في الصباح فطرت مع اهلي وبعدين خرجت للشاطئ تاني وكان الشاطئ مليان طيور النورس وانبسط من شكلهم كانوا بيطيروا حوليا ، وعلى طول المنظر ذكرني برغودتي وبانشودتها واتخيلتها قدامي مع الطيور وبتنشدلهم شوفوا الصورة

وبعد ما فقت كمان من دا الحلم لقيت اهلي بينادواعليا من زمان وانا سرحانة في احلامي وكانوا بيقولولي يلا خلاص حنروح على مزرعة سيدو نسلم عليه ونجلس عنده يومين ،

وصلنا للمزرعة وسلمنا على سيدو و سيتو وجلسنا معاهم شوية وبعدين قمت انا رحت لغرفة النوم كنت ابغى انام من التعب وانا على سريري باستعد للنوم لفتت انتباهي لوحة جدارية محطوطة مقابل السرير على وسط الجدار تقريبا وما ادري ايش اللي صار فجأة لفيت رغد حياتي قدامي بتقطفلي من ثمرة الشجرة الموجودة في اللوحة وبتناولني وبتقولي كليها بالهنا وبالعافية


انا اكلتها من ايدها وشكرتها مع اني ما بحب الفواكة بس من ايد رغد كانت حلوة واتكلمت معاها لغاية لما نعست ونمت من غير ما احس بنفسي وفي الفجر لما صحيت طليت في اللوحة لقيتها زي ما هي ورغد ما لها أي اثر قمت اتوضيت وصليت ورحت صبحت على ماما وبابا وسيدو و ستو كان صاحيين من بدري وبيفطروا بتعرفوا كيف كبار السن بيحبو يصحوا بدري المهم بعد ما فطرت معاهم طلعت للمزرعة بتمشى فيها مع نسيم الصباح وانا بفكر في حبيبة قلبي رغودة قربت من البركة المائية لقيت حبيبتي جايتني بتصبح عليا ومعاها وردة ليا قطفتها من المشتل الموجود جنب البركة وجلست معاها الي وقت الغدا نتكلم وندردش وعاتبتها لانها كل شوية بتختفي من قدامي ولما كانت حتقولي على السبب اللي بيخليها تختفي من قدامي كل شوية نادتني شغالة سيدو وبتقولي ان الغدا صار جاهز انقهرت منها وكان نفسي اموتها من القهر لانها بس نادتني من هنا رجعت اختفت رغودة تاني من هنا من غير ما تجاوب على سؤالي
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 650x520.


رحت اتغديت معاهم من غير نفس " نقنقة يعني مو غدا غدا " لاني كنت سرحانة فيها وجلست على دا الحال زعلانة وسرحانة لغاية الليل وبعد صلاة العشا بابا كان بيشغل السيارة كنا راجعين على البيت واخواني لجين وليان واياد وزياد كانو عاملين غلبة عندي كانوا بيلعبوا جنبي وبينفخوا فقاعات الصابون انا عصبت منهم وقمت عشان اخاصمهم واضربهم الا القى فقاعات الصابون اللي نفخوها جاية عليا مع الهوا وكانت منتشرة حولي ولاني بفكر في رغودتي حياتي شفتها جالسة في بعض الفقاقيع كنت مبسوطة وانا بشوفها تطير وحسيت اني طايرة داخل فقاعة معاها ومع باقي الفقاقيع


وكنا بنلعب ونلحق بعض من داخل الفقاقيع ولما كنت خلاص حمسكها صحيت على صوت ماما بتقولي يلا غدي يلا يا ماما قومي عشان تصلي الفجر وتجهزي نفسك للمدرسة



كان اليوم اول يوم في الاختبارات النهائية واكتشفت اني كنت نااااااااااايمة في سابع نومة وكل اللي شفتو كان مجرد منام مو اكتر من كدا واني لا رحت رحلة ولا خطفت رغد ولا أي شي صار .



في الختام اتمنى اني ما اكون تقلت عليكم و انا مستنية ردودكم و تشجيعكم والنقد البناء لأي اخطاء تلقوها و ايش رأيكم في تصميماتي ويا ترى أنفع للتأليف ولا لأ ؟



وشكرا.
للامااانة
منققووووووول

 

 
 
من مواضيع العضو ( $$reeham$$ ) :
قديم 02-25-2010, 03:55 PM   #2
لولو الحلوهـ
Banned
 


لولو الحلوهـ غير متواجد حالياً


افتراضي رد: خبر عااااجل عن رغد الوزان..............

وااااااااااااااااااااااااااااااااااااااااااااااااا ااااااااو روووووووووووووووعه يهبل ماشاء الله تسلمى ياقمر
والله قصه فى قمه الروووووووووووووووعه ماشاااااااء الله لاإلاه الا الله مبدعه ومصممه وحكااااايتك مررررررررررررررررره تجننننننننننننننننننننننننننننننننننننننننننننننن بسم الله علييييييييك

 
قديم 02-25-2010, 03:58 PM   #3
لولو الحلوهـ
Banned
 


لولو الحلوهـ غير متواجد حالياً


افتراضي رد: خبر عااااجل عن رغد الوزان..............

واتشرف انى اكوووون اول من برد علييييييييييك ياعسل

 
قديم 02-25-2010, 04:10 PM   #4
بتول الامورة
عضو نشيط
 


بتول الامورة غير متواجد حالياً


افتراضي رد: خبر عااااجل عن رغد الوزان..............

يسلموووو ياعمري

 
قديم 02-25-2010, 04:58 PM   #5
غلاتي رغودة
عضو فعال
 

الصورة الرمزية غلاتي رغودة


غلاتي رغودة غير متواجد حالياً


افتراضي رد: خبر عااااجل عن رغد الوزان..............

انتي العضوة غدي الأمورة اللي في منتدى طيور الجنة

 
قديم 02-25-2010, 08:14 PM   #6
"فديتك يابنت الوزان"
Banned
 


"فديتك يابنت الوزان" غير متواجد حالياً


افتراضي رد: خبر عااااجل عن رغد الوزان..............

يسلموووووووووووعلى القصه ااااااااائعه جدا مااااشاااااء الله علييييييييك خيااااااااالكك واسع

 
قديم 02-25-2010, 09:08 PM   #7
فديت ديومه
عضو فعال
 

الصورة الرمزية فديت ديومه


فديت ديومه غير متواجد حالياً


افتراضي رد: خبر عااااجل عن رغد الوزان..............

يسلموووووووووووووووو

 
قديم 02-25-2010, 09:12 PM   #8
أنشودة الربيع
عضو سوبر
 

الصورة الرمزية أنشودة الربيع



أنشودة الربيع غير متواجد حالياً


افتراضي رد: خبر عااااجل عن رغد الوزان..............

تسلميييييييي عزيزتيييييييييييي

 
قديم 02-26-2010, 07:08 AM   #9
رغد زيد الوزان
Banned
 

رغد زيد الوزان غير متواجد حالياً


افتراضي رد: خبر عااااجل عن رغد الوزان..............

وااااااااااااو روعة

 
قديم 02-26-2010, 07:23 AM   #10
قمرالزمان رغد الوزان
Banned
 

قمرالزمان رغد الوزان غير متواجد حالياً


افتراضي رد: خبر عااااجل عن رغد الوزان..............

واااااااااااااااااااااو روعة خيالك واسع وحلو كتير
تسلمي على القصة الرائعة

 
 

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
قصتي عن رغودة وأمولة وديمه .. ..~ ...تكملة احلى ثلاثي .... عاشقة رغووودة آلوزآن أناشيد الأطفال , اناشيد اطفال 38 03-22-2010 04:07 PM
قصه عن ديمه ورغد هيا القصه غير حقيقيه اتمنى ان تعجبكم دلوعه ديمه بشار أناشيد الأطفال , اناشيد اطفال 15 03-08-2010 01:41 PM
قصه بطلتها رغووووده معجبة رغد أناشيد الأطفال , اناشيد اطفال 20 02-07-2010 12:28 PM
ومعلوومات عن رغد الوزان ؟؟؟ روان عبــد الـله أناشيد الأطفال , اناشيد اطفال 3 12-27-2009 01:22 PM


الساعة الآن 07:17 PM.

Powered by vBulletin® Copyright 2013

تصميم وتطوير: شبكة